Kilimo cha Alizeti ni kilimo kizuri sana kwa Tanzania na kwasababu kwa Tanzania alizeti zao hili la alizeti hulimwa kwa ajili ya chakula na biashara.
Mambo Ya Kuzingatia Kwenye Alizeti
Kuchagua aina bora ya mbegu Chagua aina bora ya mbegu inayovumilia magonjwa, wadudu, inayotoa mazao mengi na kiwango kikubwa cha mafuta.
Vilevile chagua aina ya mbegu ambayo hukomaa kwa wakati mmoja ili kurahisisha uvunaji.
Mahitaji Ya Mbolea Kwenye Alizeti
Rutubisha udongo kwa kutumia mbolea za mboji na samadi ili kupata mazao mengi na bora.
Jinsi Ya Kudhibiti Wadudu na Magonjwa
Alizeti hushambuliwa na magonjwa ya majani, mizizi na masuke ambayo husababisha upungufu wa mavuno Hivyo ni muhimu kuyadhibiti ili kupata mavuno mengi na bora.
Pia ndege hupunguza mavuno kwa kiasi cha asilimia 50 au zaidiNjia ya kudhibiti ndege ni kwa kuwafukuza na kupanda mbegu zinazokomaa mapema.
Jinsi Ya Kukagua Shamba La Alizeti
Kagua shamba kuona kama alizeti imekomaa pia Alizeti hukomaa kati ya miezi minne hadi sita tangu kupanda.
Wakati huo punje huwa na unyevu wa asilimia 25 Ni muhimu kuvuna alizeti mapema ili kuepuka mashambulizi ya panya, mchwa na ndege waharibifu
Jinsi Ya Kukagua Kama Alizeti imekomaa
Suke hubadilika rangi kutoka manjano na kuelekea kuwa nyeusi pia viuwa vya pembeni mwa suke hunyauka na hubadilika kutoka rangi ya manjano na kuwa ya kahawia.
Vifaa Vya Kuvunia na Kubebea Alizeti
- Kisu
- Vikapu
- Magunia
- Matenga Vifaa vya kukaushia
- Maturubai
- Mikeka
- Kichanja bora Vyombo vya usafiri kutoka shambani
- Matoroli
- Matela ya matrekta
- Mikokoteni ya kukokotwa na wanyama
- Magari
Jinsi Ya Kuvuna Alizeti
Alizeti huvunwa kwa kutumia mikono ambapo suke hukatwa kwa kutumia kisuPia mashine (combine harvester) hutumika kuvunia alizeti katika nchi zinazolima alizeti kwa wingi.
Masuke ya alizeti huwekwa kwenye vikapu ambavyo hutumika kusomba alizeti ndani ya shambaKisha alizeti hufungashwa kwenye magunia na kusafirishwa hadi nyumbani tayari kwa kukausha
Jinsi Ya Kukausha Alizeti
Kuna hatua mbili za kukausha alizeti nazo ni kukausha masuke na kukausha mbegu za alizeti
Jinsi Ya Kukausha masuke
Masuke hutandazwa kwenye kichanja bora katika kina kisichozidi sentimita 30 ili yaweze kukauka vizuri.
Vile vile huweza kutandazwa kwenye maturubai, mikeka au sakafu safi na Lengo la hatua hii ni kukausha masuke ya alizeti ili kurahisisha upuraji KUPURA.
Upuraji hufanyika baada ya kuhakikisha kuwa masuke ya alizeti yamekauka vizuri Masuke ya alizeti hupurwa kwa kutumia mikono ambapo mbegu hutenganishwa kwa kupiga masuke taratibu kutumia mti.
Ni muhimu kupiga masuke taratibu ili kuepuka kupasua mbeguPura kwenye kichanja bora, maturubai au mikeka
Jinsi Ya Kukausha Mbegu za Alizeti
Mbegu za alizeti hukaushwa juani kwa kutandazwa kwenye vichanja bora, maturubai, mikeka au sakafu safi Tandaza mbegu katika kina kisichozidi sentimita 4 ili ziweze kukauka vizuri.
Lengo la hatua hii ni kukausha mbegu baada ya kupura ili kufikia kiwango cha unyevu kinachotakiwa kwa hifadhi salama ambacho ni asilimia 8.
Jinsi Ya Kutambua Mbegu Zilizokauka
- Kufikicha mbegu
- Mbegu zilizokauka maganda yake hutoka kwa urahisi zinapofikichwaKumimina kwenye chombo kama debe
- Mbegu zilizokauka hutoa mlio mkali zinapomiminwa kwenye vyombo hivyo
- Mbegu zilizokauka hung’ara Kutumia kipima unyevu.
- Mbegu zilizokauka vizuri kipimo huonyesha asilimia 8
Jinsi Ya Kupepeta na Kupembua Alizeti
Kupepeta na kupembua alizeti hufanyika ili kuondoa takataka kama vile mawe, wadudu, mapepe, mbegu zilizooza au kupasuka.
Mbegu za alizeti hupepetwa kwa kutumia ungo au kwa kutumia mashine zinazoendeshwa kwa kutumia mkono, injini au umeme.
Mashine hizi zina uwezo wa kupepeta na kupembua kilo 60 hadi 350 kwa saa kutegemea aina ya mashine na ukubwa wa mashine yenyewe.
Jinsi Ya Kuhifadhi Mbegu za Alizeti
Alizeti iliyopurwa tayari yenyewe huhifadhiwa katika hali ya kichele kwenye maghala bora, yaani vihenge, sailo au bini.
Alizeti ya kuhifadhi kwenye maghala ya nyumba ifungashwe kwenye magunia na ipangwe kwenye chaga kwa kupishanisha.
ili kurahisisha kazi ya kukagua ghala, acha nafasi ya mita moja kutoka kwenye ukuta Ziba sehemu zote za ghala ili kuzuia panya kuingia.
Panya hupenda sana kula punje za alizeti, na husababisha upungufu mkubwa wa punje ambao husababisha upotevu wa asilimia 30 kwa kipindi cha miezi mitatu ya hifadhi.
Asilimia ya upotevu inaweza kuwa kubwa zaidi kutegemea idadi ya panya na upatikanaji wa vyakula vingine kwa wakati huo.
Matumizi ya Mbegu za Alizeti Mbegu za alizeti hasa zenye mistari zinaweza kuliwa baada ya kukaangwa au kukaushwa Pia zinatumika katika utengenezaji wa mikate Mbegu za alizeti husindikwa kupata bidhaa ya mafuta.
Vifaa vya Kusindika Alizeti
- Mashine ya kukamua mafuta
- Chujio safi
- Ndoo
- Vifungashio
- Sufuria
- Mizani Malighafi
- Mbegu za alizeti
- Maji
- Chumvi
Jinsi Ya Kukamua Mafuta Ya Alizeti
- Chagua mbegu bora za alizeti
- Zianike kwenye jua kwa muda wa saa 1 hadi 2
- Weka kwenye mashine ya kukamulia ya daraja au Ram
- Kamua mafuta
- Chuja mafuta kwa kitambaa au chujio safi
- Pima mafuta yaliyokamuliwa
- Ongeza maji na chumviKatika lita 10 za mafuta weka lita moja ya maji na gramu 200 za chumvi Weka mafuta kwenye chombo cha kuchemshia (sufuria)
- Chemsha hadi maji yote yaishe
- Sauti ya kuchemka ikiisha ni dalili kuwa maji yamekwisha.
- Ipua, acha yapoe, kisha chuja kwa kitambaa safi au chujio
- Fungasha kwenye vyombo safi na vikavu na vyenye mifuniko
- Weka lakiri na lebo Hifadhi kwenye sehemu safi, kavu na yenye mwanga hafifu
Matumizi Ya Mafuta Ya Alizeti
Mafuta ya alizeti hutumika katika mapishi mbalimbali na yana virutubisho vingi vinavyo hitajika mwilini.
