Ratiba siyo muhimu tu kwa ajili ya taasisi fulani pekee ni muhimu pia kwa mtu binafsi. Watu wengi hushindwa kutumia muda wao vyema kutokana na kutokuwa na ratiba nzuri inayoeleweka.
1. Ratiba insaidia Kutumia Muda Vyema
Moja kati ya manufaa makubwa ya kuwa na ratiba ni kuweza kutumia muda vyema. Unapokuwa na ratiba ni vigumu kupata muda ambao haujapangiwa jukumu au kazi kwenye ratiba.
Unapokuwa na ratiba muda wako wote utatumika vizuri tena kwa shughuli yenye tija iliyopangwa. Hivyo ni vyema kuhakikisha unajiwekea ratiba na unaifuata ipasavyo.
2. Ratiba insaidia Kuweka Vipaumbele
Kuweka ratiba ni mbinu mojawapo ya kuweka vipaumbele. Unapoweka ratiba ni lazima utaondoa mambo yasiyo ya msingi ili ratiba yako ikae vyema na itekelezeke.
Kwa kujiwekea ratiba nzuri utaondoa mambo ambayo kimsingi hayakuwezeshi kufikia malengo yako. Kwa mfano huwezi kuweka muda wa kuchat kwenye ratiba.
3. Ratiba insaidia Kuongeza Ufanisi
Kufanya vitu bila mwongozo au mpangilio hukufanya ukose ufanisi. Kwa kuwa na ratiba utaweza kuwa na kitu kinachokuongoza na kukupa mpangilio mzuri.
Mara siku inapoanza unakuwa tayari umeshafahamu unaaza na nini na kinafuata nini badala ya kushika hiki na kile.
4. Ratiba insaidia Kutokusahau Mambo
Ni vigumu sana kusahau jambo ambalo lipo kwenye ratiba yako. Hii ni kutokana na sababu kuwa unafanya kazi kwa kufuata ratiba, kila mara utakuwa unatazama ratiba yako inataka ufanye nini na kwa muda gani.
Unaposahau mambo unayotakiwa kuyafanya, unapaswa kurejea kwenye ratiba yako na kutazama inataka ufanye nini.
5. Ratiba insaidia Kupata Muda wa Kupumzika
Watu wengi wanakosa muda wa kupumzika kwa sababu wanafanya hiki mara kile bila mpangilio maalumu. Hili huwafanya kuhangaika siku nzima bila hata kujua wamekamilisha nini.
Utamsikia mtu akisema “leo nimechoka sana hata sijui nimefanya nini” “leo nahangaika tu hata hamna nilichofanya”. Hii inaonyesha kuwa mtu huyu amechoka bila hata kukamilisha kazi zake.
Kwa kujiwekea ratiba utaweza kupanga muda wa kazi na muda utakaoutumia kwa ajili ya kupumzika.
6. Ratiba insaidia Kuweza Kuacha Tabia Mbaya
Mbinu mojawapo nzuri ya kuacha tabia mbaya ni kujipangia ratiba ngumu na kuifuata. Kama kuna muda ambao unautumia kufanya matendo kamavile ulevi, matumizi ya madawa ya kulevya, uzinzi na umbea.
Basi upangie muda huo majukumu mengi kwenye ratiba yako. Kwa kuzingatia hili hutopata muda wa kupoteza kufanya matendo au tabia ambazo kimsingi siyo nzuri.
7. Ratiba insaidia Kupata Utulivu wa Akili
Mtu unapokuwa unafanya kazi bila mpangilio ni rahisi kukosa utulivu wa akili kwani mara utasahau jambo muhimu au utafanya mambo nje ya wakati.
